Það þarf ekki bara að undirbúa sig fyrir fæðinguna og nýtt líf þegar von er á barni. Þegar barn er fyrir á heimilinu getur verið sniðugt að undirbúa það undir nýtt hlutverk sem stórt systkini. Til eru fjölmargir hlaðvarpsþættir sem fjalla um fjölskyldur og systkinahlutverkið.
Í viðtali við Barnavefinn í lok september sagði Bára O'Brien Ragnhildardóttir að hún og maðurinn hennar væru aðallega að undirbúa fæðingu númer tvö með því að hlúa að dóttur þeirra.
„Aðalundirbúningurinn hefur verið að hlúa að eldri stelpunni okkar og vera til staðar fyrir hana, hún er fimm ára og búin að hafa okkur foreldrana út af fyrir sig í fimm ár. Ég hef dottið niður á allskyns áhugaverð hlaðvörp sem gefa mér hugmyndir um hvernig ég get verið til staðar fyrir hana í gegnum þessar stóru breytingar sem felast í því að verða stóra systir,“ sagði Bára í viðtalinu.
Hlaðvarpsþættir sem Bára mælir með um efnið eru:
Virðing í uppeldi
Þáttur nr. 12 – Systkinasambandið.
Fæðingarcast
Þáttur frá 17. febrúar – Anna Eðvalds ljósmóðir.
Bára mælti einnig með fjölmörgum þáttum af hlaðvarpsþáttunum Respectful Parenting.
Á hlaðvarpsvef mbl.is má hlusta á íslensku þættina. Þar má auk þess finna fjölmarga aðra þætti um fjölskyldulífið.