Tónlistarkonan Katy Perry eignaðist sitt fyrsta barn í ágúst með unnusta sínum, leikaranum Orlando Bloom. Hún sýndi fylgjendum sínum á samfélagsmiðlum leynivopn sitt þessa dagana en það eru aðhaldsbuxur.
Í myndbandinu sem Perry deildi á samfélagsmiðlum má sjá hana ganga í átt að myndavélinni í blárri kápu með hendur í vösum. Þegar Perry var komin nálægt myndavélinni stoppaði hún og lyfti kápunni og sýndi þar með aðhaldsbuxurnar.
Perry er dómari í sjónvarpsþáttunum vinsælu American Idol. Hún byrjaði að vinna aftur í október aðeins tveimur mánuðum eftir að dóttir hennar Daisy kom í heiminn.