Leikarinn Frankie Muniz og eiginkona hans Paige Price eignuðust nýlega sitt fyrsta barn. Fyrrverandi barnastjarnan, sem er enn þekktust fyrir hlutverk Malcolms í þáttunum Malcolm í miðjunni, greindi frá komu sonar síns á Instagram.
„Ég er pabbi, krakkar,“ sagði Muniz í sögu á Instagram en birti ekki mynd af barninu. „Ég elska hann svo mikið. Ég elska eiginkonu mína svo mikið.“
Hjónin greindu frá væntanlegum erfingja síðasta haust. Á meðgöngunni fengu þau að vita að þau ættu von á dreng. Barnastjarnan fyrrverandi greindi frá því í október að þau ætluðu ekki að nefna soninn Malcolm. Muniz hefur þó ekki enn greint frá nafninu.