Karl Filippus Svíaprins og eiginkona hans Soffía prinsessa eignuðust sitt þriðja barn í dag, föstudaginn 26. mars. Sonurinn vó 3.220 grömm og var 49 sentímetrar á lengd. Bæði móður og syni heilsast vel.
Barnið kom í heiminn klukkan 19 mínútur yfir 11 á Danderyds-spítalanum. Sænska konungsfjölskyldan greindi seinni partinn sama dag frá komu drengsins á heimasíðu sinni.
„Við erum svo glöð og þakklátt fyrir að bjóða þriðja son okkar velkominn í fjölskylduna. Við og stóru bræður hans höfum beðið eftir þessum degi. Nú hlökkum við til að kynnast nýja fjölskyldumeðlimnum,“ sagði Karl Filippus sem var viðstaddur fæðinguna.
Fyrir eiga hjónin, sem gengu í hjónaband sumarið 2015, þá Gabríel og Alexander sem eru fjögurra og þriggja ára.