Veglegt þriggja ára afmæli True

True Thompson, dóttir raunveruleikastjörnunnar Khloé Kardashian og körfuboltamannsins Tristans Thompsons, varð þriggja ára á dögunum. Kardashian-fjölskyldan er þekkt fyrir að halda glæsilegar veislur og er afmælisveisla True þar engin undantekning.

Prinsessur og hoppkastali

Í afmæli True voru disney-prinsessur og hoppukastali. Svo fengu allir sem vildu að skreyta smákökur. Heimilið var alskreytt blöðrum í pastellitum og hoppkastalinn var einnig í pastellit í stíl við blöðrurnar og aðrar skreytingar. Vegna kórónuveirunnar var gestafjöldinn hafður í lágmarki en aðeins frændum og frænkum True var boðið í veisluna.

Við tilefnið skrifaði Khloé Kardashian fallega kveðju til dóttur sinnar á Instagram.

„Ég græt í hvert sinn sem ég kalla þig „baby True“ og þú leiðréttir mig. Þú segir á svo fallegan hátt: „Ég er ekki barn! Ég er stór stelpa!“ Ég er bara ekki tilbúin fyrir að þú sért orðin svona stór stelpa. En þú hlýtur að vita að sama hversu gömul þú verður, þá verður þú alltaf mín baby True.