Athafnakonan og samfélagsmiðlastjarnan Kylie Jenner eignaðist son í dögunum. Þetta er annað barn Jenner og rapparans Travis Scotts. Jenner sem á mikið viðskiptaveldi hugsar mikið um börnin sín en fær þó góða aðstoð. 

Jenner er komin aftur heim til sín eftir að hún eignaðist soninn og líður vel að sögn heimildarmanns People. „Kylie er með hjálp en gerir mikið sjálf,“ sagði aðili sem þekkir til. „Kylie og Travis eru mjög hamingjusöm saman. Hann er að vinna að nýrri tónlist en er líka mikið til staðar.“

Hin fjögurra ára gamla Stormi er sögð hafa það fínt og er mjög blíð við litla bróður sinn. „Hún er heilluð af litla bróður sínum og hefur haldið á honum.“

Frétt af mbl.is

Kylie Jenner búin að eiga

Jenner greindi frá því í september að hún ætti von á öðru barni með barnsföður sínum. „Hún hefður beðið eftir því að gefa Stormi systkini í töluverðan tíma. Hún elskar að vera mamma. Hún er himinlifandi með það að hún og Travis eigi von á barni aftur,“ sagði heimildarmaður í haust. 

Kylie Jenner og Travis Scott eignuðust son á dögunum. AFP

Tengdar fréttir

Kardashian

Swift hjólar í Kardashian á nýju plötunni

• Kardashian keypti bíl sem var kynntur á hálendi Íslands
• „Það er með sorg í hjarta að ég tilkynni að systir mín lést skyndilega í gær“
• Sakar þau um að kaupa sér vinsældir barnanna
• „Mig langar svo mikið að gifta mig“

» Fleiri tengdar fréttir

• Blogga um frétt