Hertogahjónin af Sussex, Meghan og Harry, dvelja nú í Hollandi til þess að vera viðstödd Invictus-leikanna. Börnin þeirra tvö urðu eftir í Bandaríkjunum þar sem fjölskyldan býr. Foreldrarnir sakna barnanna mjög mikið. 

Frumburðurinn Arichie verður þriggja ára í maí en dóttirin Lili verður eins árs í júní. Meghan viðurkenndi að hún saknaði þeirra þegar hún las fyrir börn á lokuðum viðburði í Hollandi. „Meghan spjallaði mikið og sagði mér að hún saknaði barnanna sinna,“ sagði fyrrverandi hermaðurinn James Stride í viðtali við Daily Mail. „Hún sagðist vilja vera með börnum þar sem hún saknaði sinna barna.“

Meghan og Harry. AFP/Sem van der Wal

Börnin eru líka ofarlega í huga Harrys í Hollandi. 

„Það er efst í huga hennar að halda í við bróður sinn, hún tók fyrsta skrefið bara fyrir nokkrum dögum,“ sagði Harry í viðtali við People og sagðist vera stoltur pabbi. 

Talið er að hjónin hafa aldrei dvalið jafn lengi frá báðum börnunum sínum. Archie og Lili urðu eftir heima í Montecito í Kaliforníu. 

Tengdar fréttir

Kóngafólk

Katrín snúin aftur til starfa

• Meghan Markle var klippt út af afmælismynd
• Sonur krónprinsessunnar handtekinn aftur
• Harry prins verður fertugur um helgina
• Katrín hefur lokið við lyfjameðferð vegna krabbameins

» Fleiri tengdar fréttir

• Blogga um frétt