Dannielynn Birkhead þykir sláandi lík móður sinni, Önnu Nicole Smith, sem lést þegar hún var aðeins fimm mánaða gömul. Birkhead er 15 ára og mætti á dögunum á The Kentucky Derby ásamt föður sínum, Larry Birkhead.
Birkhead-feðginin halda úti sameiginlegri síðu á Instagram og birta þar reglulega myndir til þess að minnast Önnu Nicole Smith. Nú síðast benti Birkhead á líkindin.
„Ég fann þessa mynd af Önnu og fannst Dannielynn vera tvíburi hennar,“ skrifaði Larry Birkhead.