Rapparinn og Íslandsvinurinn Gucci Mane og eiginkona hans Keyshia Ka'oir David eignuðust sitt annað barn á dögunum. Stúlkan litla fékk einstakt nafn, en hún heitir Iceland.
Parið greindi frá fæðingu dóttur sinnar á Instagram og sagði sömuleiðis frá nafngiftinni sem verður að teljast heldur óhefðbundin.
Iceland litla, sem ekki mætti bera nafnið á landinu sem hún heitir í höfuðið á, fæddist 8. febrúar síðastliðinn. Stóri bróðir hennar er tveggja ára og heitir Ice.
Gucci Mane hefur komið til Íslands en hann spilaði á tónlistarhátíðinni Secret Soltice og varð mjög hrifinn af landi og þjóð af samfélagsmiðlum að dæma. Það má þó ætla að nafnið gæti orðið ruglandi fyrir vini og vandamenn í framtíðinni.
Gucci Mane in Iceland is hilarious.
— Ronald Isley (@yoyotrav) June 22, 2018
“Bruh. I’m in a lagoon, dog.” Lmfao. pic.twitter.com/3gieigguH3