Nýfæddar tvíburadætur Love Island-stjörnunnar Dani Dyer og knattspyrnumannsins Jarrod Bowen fögnuðu innilega þegar faðir þeirra tryggði West Ham 2:1-sigur í úrslitaleik Sambandsdeildarinnar í fótbolta í Tékklandi á dögunum.
Það var sannarlega tilefni til fagnaðarláta enda sögulegur leikur þar sem West Ham tryggði sér fyrsta titilinn í 43 ár og um leið fyrsta Evróputitil félagsins í 57 ár.
Dyer og Bowen eignuðust tvíburana hinn 22. maí síðastliðinn, en stúlkurnar eru fyrstu börn þeirra saman. Fyrir á Dyer tveggja ára gamlan son úr fyrra sambandi.