Fjölskyldufrí við strönd geta verið dásamleg.
Fjölskyldufrí við strönd geta verið dásamleg. Ljósmynd/colourbox

Best fyrir börnin á ströndinni

Nú styttist óðfluga í að grunn- og leikskólar fari í sumarfrí og fjölskyldur flykkist í frí. Það borgar sig að undirbúa vel þær utanlandsferðir þar sem ætlunin er að liggja eða leika sér á ströndinni þar sem að mörgu er að huga svo allt fari vel.

Ferðavefurinn hefur tekið saman nokkur atriði sem mikilvægt er að hafa með í för þegar farið er með börn á strönd.

Matur og drykkur

Fjölbreytt fæða getur verið af skornum skammti og rándýr á  ströndinni og því skynsamlegt að pakka smávegis nesti fyrir börnin.

Nauðsynlegt er fyrir börn sem fullorðna að drekka nóg af ...
Nauðsynlegt er fyrir börn sem fullorðna að drekka nóg af vatni í miklum hita. Ljósmynd/Pixabay

Handklæði

Þykkt og gott strandhandklæði kemur að góðum notum á ströndinni en á því geta börnin dundað sér í stað þess að sitja á sjóðandi heitum sandinum.

Sólarvörn

Það þarf kannski ekki að taka það fram hversu nauðsynlegt er að hafa eina góða ilm-, litarefna- og parabenfría sólarvörn með í för. Þrátt fyrir að sólarvörn sé vatnsheld borgar sig að fylgjast vel með húðinni og bera vörnina reglulega á eða klæða litla líkama í léttan sundfatnað sem skýlir húðinni.

Börn geta dundað sér endalaust með einföld leikföng. Gott getur ...
Börn geta dundað sér endalaust með einföld leikföng. Gott getur verið að grípa kútana með ef ætlunin er að vera í sjónum. Ljósmynd/Pexels

Leikföng

Börn geta dundað sér í ótrúlega langan tíma með einfalda fötu, skóflu og sandmót.

Strandskór

Sandurinn getur oft verið ansi heitur á sólríkum ströndum og því betra að vera með skó til að verja litlar fætur. Best er að velja skó þar sem auðvelt er að þrífa sandinn úr skónum og líka vatnsheldir svo hægt sé að nota þegar sjórinn er mátaður.

Góðir strandskór eru nauðsynlegir bæði í sjóinn sem og í ...
Góðir strandskór eru nauðsynlegir bæði í sjóinn sem og í heitum sandi. Ljósmynd/Colourbox

Föt og fylgihlutir

Sólhattur, sólgleraugu og síðerma sundpeysur með sólarvörn er góður kostur til að verja börnin frá sterkum geislum sólarinnar. Ekki spillir svo fyrir að vera með sólhlíf, til að vera alveg viss.