Hún er því alvön að ferðast heimshorna á milli og lumar því á nokkrum ferðaráðum sem gætu komið lesendum að góðum notum.
Tea tree-olía
Meghan segir að lítið fari fyrir þessari nytsamlegu og ódýru olíu en hana er hægt að nota á flugnabit eða óvelkomnar bólur.
Kasmírteppi
Teppið er afskaplega mjúkt og notalegt. Það er því notalegt að hjúfra sig að því á löngum flugleiðum. Meghan segir það að vefja utan um sig kasmírteppi sé eins og að fá gott og innilegt faðmlag.
Sótthreinsigel
Á fjölförnum leiðum er nauðsynlegt að vera með sótthreinsi í farteskinu en hann getur komið í veg fyrir að maður smitist af einhverjum pestum. Hún segist renna yfir sjónvarpsskjái og fjarstýringar í flugvélum með sótthreinsigeli þegar hún kemur sér fyrir í sætinu.
Andlitssprey
Meghan segir nauðsynlegt að vera með gott og rakagefandi andlitssprey í handfarangrinum til að fríska sig við fyrir lendingu.