Kardashian í fótspor Gylfa og Alexöndru í fríinu

Kim Kardashian var í fríi á Bahama-eyjum á dögunum með börnum. Íslenski knattspyrnumaðurinn Gylfi Sigurðsson og Alexandra Helga Gylfadóttir trúlofuðu þar sig í fyrra og var Kardashian/West-fjölskyldan greinilega á svipuðum slóðum. 

Gylfi og Alexandra birtu myndir í fyrra þar sem þau léku við villt svín á strönd sem kölluð er Svínaströndin eða Pig Beach. Mannfólk býr ekki á eyjunni en svínin lifa góðu lífi.

Hin nýbökuðu hjón virtust mjög hrifin af svínunum þegar þau hittu þau fyrir rúmlega ári síðan. Kardashian virtist hins vegar vera smeik á myndbandi sem hún birti á samfélagsmiðlum. „Ég var hrædd,“ skrifaði Kardashian á Twitter. 

Á vef ferðavef Bahama-eyja kemur fram að ekki sé vitað nákvæmlega hvernig svínin enduðu á eyjunni. Segja sumir að sjómenn höfðu skilið þau eftir þar, ekki af góðmennsku þó heldur voru þeir með það í huga að koma aftur og elda þau. Aðrir vilja meina að svínin hafi synt úr nálægu skipsbroti. 

• Blogga um frétt