Flatey valin besta eyjan

Flatey á Breiðafirði trónir á toppi lista Big 7 Travel yfir bestu eyjar í heiminum fyrir árið 2020. Topplistinn byggir á mati lesenda, ferðareynslu blaðamanna og fyrri umfjöllun um staðina. 

Í umsögn Big 7 Travel segir „Á töfrandi hátt er eyjan eins og kvikmyndatökuver. Og það er það. margar kvikmyndir gerast á eyjunni, þar ber hæst að nefna Ungfrúin góða og húsið sem byggð er á smásögu Nóbelskáldsins Halldórs Laxness. Friður eyjarinnar er einstakur - tíminn stendur í stað.“

Flatey skaut mörgum heillandi eyjum ref fyrir rass á listanum, þar á meðal Bora Bora, Bali, Capri-eyjum og Barbados-eyjum. 

Efstu 20 eyjarnar voru:

1. Flatey, Íslandi
2. Palawan, Filippseyjum
3. Espiritu Santo, Vanúatú
4. Sommarøy, Noregi
5. Korcula, Króatíu
6. The Aran Islands, Írlandi
7. Pemba Island, Sansibar
8.  Barbados-eyjar
9. Lummi Island, Washington, Bandaríkjunum
10. Bora Bora, Franska Pólýnesía
11. Rawa Island, Malasíu
12. Azores, Portúgal
13. Koh Tao, Taílandi
14. Capri, Ítalíu
15. Fraser Island, Ástralíu
16. Bali, Indónesíu
17. Ibiza, Spáni
18. Cape Breton Island, Nova Scotia, Kanada
19. Corsica, Frakklandi
20. Santorini, Grikklandi

Kirkjan í Flatey. Morgunblaðið/Sigurður Bogi

Big 7 Travel segir friðinn á eyjunni einstakann. Guðmundur Rúnar Guðmundsson

• Blogga um frétt