Fengu sér húðflúr eftir Íslandsferðina

Að fá sér húðflúr á ferðalagi getur verið einstök leið til að minnast þeirra staða sem maður naut virkilega að heimsækja. Margir ferðamenn sem komið hafa hingað til Íslands hafa einmitt gert það, annaðhvort fengið sér húðflúr hér eða fengið sér Íslandstengt húðflúr þegar heim er komið. 

Í hópnum Travel Iceland skiptast ferðalangar og fólk í ferðaþjónustu á ráðum fyrir Íslandsferðir sínar. Þar hafa meðlimir einnig deilt myndum að húðflúrum sem þeir fengu sér á Íslandi eða Íslandstengd húðflúr sín. 

Vinsælt virðist að fá sér húðflúr sem tengist goðafræðinni og er þar Ægishjálmurinn geysivinsæll. Einnig hafa sumir reynt að skjalfesta norðurljósin eða aðra staði á Íslandi á húðina.