Vilja láta fjarlægja myndir af korti Google

Kletturinn Uluru hefur táknrænt gildi í menningu frumbyggja Ástrala og …
Kletturinn Uluru hefur táknrænt gildi í menningu frumbyggja Ástrala og er talinn heilagur. AFP

Áströlsk stjórnvöld hafa óskað eftir því við tæknirisann Google að myndir af göngunni upp á Uluru-fjall verði fjarlægðar af kortakerfi Google. Ástæðan er sú að lokað hefur verið fyrir göngur upp á topp fjallsins. 

Uluru-fjall er eitt af stærstu kennileitum Ástralíu og var lengi vel vinsælt að ganga á topp fjallsins. Árið 2019 var gönguleiðum fjallsins lokað vegna þess að það stendur á þýðingarmiklum stað fyrir frumbyggja Ástralíu, nánar tiltekið Anangu-ættbálkinn. Fólk af frumbyggjaættum og fleiri hafa krafist þess síðan 1985 að gönguleiðum á fjallið yrði lokað. Í kortakerfinu var hægt að fara í rafræna göngu upp á fjallið og virða útsýnið af toppnum fyrir sér.

Í viðtali við ABC í Ástralíu sagði talsmaður Google í Ástralíu að tæknifyrirtækið væri að vinna í því að fjarlægja myndirnar sem tengjast göngunni.

mbl.is