Strendur Mexíkó stappfullar af fólki

Hvorki heimamenn né ferðamenn virðast hafa nokkrar einustu áhyggjur af því að smitast af kórónuveirunni á ströndinni við Playa del Carmen í Mexíkó þessa dagana. Þar er ströndin stappfull af fólki sem leikur sér í strandblaki og nýtur sólarinnar.

Yfir 185.00 manns hafa látist af völdum veirunnar í Mexíkó frá því í upphafi faraldursins. 

Mexíkó er eitt af fáum löndum í heiminum sem hafa aldrei lokað landamærum sínum fyrir ferðamönnum né farið fram á neikvætt kórónuveirupróf. Þar af leiðandi var Mexíkó þriðji vinsælasti ferðamannastaðurinn í heiminum á síðasta ári. 

Í stað þess að senda fólk sem greinist með kórónuveiruna við komuna til Mexíkó til baka er því boðin frí gisting þar til það hefur náð sér. 

• Blogga um frétt