Milljarðamæringurinn Jeff Bezos eyddi síðustu helginni sinni sem forstjóri Amazon á snekkju við Miðjarðarhafið. Bezos steig á mánudag til hliðar sem forstjóri stórfyrirtækisins sem hann skapaði. 

Fregnir herma að Bezos hafi dvalið um borð í snekkju kollega síns Barrys Dillers við strendur Grikklands. Snekkjan, sem ber nafnið Eos, er þriggja mastra og metin á yfir 200 milljónir bandaríkjadala. 

Kærasta Bezos, Lauren Sanchez, er einnig sögð hafa verið um borð og systkini hans Mark og Christina. 

Grískir miðlar greiða frá því að snekkjan hafi stoppað á eyjunni Antiparos þar sem gestir snekkjunnar hafi farið frá borði og snætt máltíð með leikarahjónunum Tom Hanks og Ritu Wilson, fréttamanninum Anderson Cooper og forsætisráðherra Grikklands, Kyriakos Mitsotakis, og eiginkonu hans. 

Page Six

Tengdar fréttir

Stjörnur á ferð og flugi

Sigurlaug og Óli syntu með svínum á Bahamaeyjum

• Simmi Vill og Hafrún ástfangin í háloftunum
• Íslandsvinurinn Gordon Ramsay landaði stórum laxi
• Messi og Roccuzzo sjóðheit í fríinu
• Prinsessa flaug með lággjaldaflugfélagi

» Fleiri tengdar fréttir

• Blogga um frétt