Bandaríska söngkonan Ariana Grande og eiginmaður hennar Dalton Gomez fóru í brúðkaupsferð til Amsterdam í Hollandi. Þau gengu í það heilaga 15. maí síðastliðinn.
Grande hefur birt fjölda mynda úr ferðinni á instagramsíðu sinni undanfarna daga en ekki er ljóst hvort söngkonan er enn stödd í Hollandi. Hún virðist þó hafa skemmt sér einstaklega vel og hefur mynd af þeim hjónum í stórum tréklossum vakið kátínu.
Hin nýgiftu hjón giftu sig í hálfgerðu leyni í maí en þau höfðu verið saman í um ár. Dalton fór á skeljarnar í desember á síðasta ári og voru þau ekkert að tvínóna við hlutina.