Farþegar á leið til Nýja-Sjálands frá Dúbaí urðu ansi vonsviknir þegar vélinni var snúið við eftir sex og hálfrar klukkustunda flug. Það eina sem tók við var ferðin til baka aftur til Dúbaí.
Vanalega tekur um sextán klukkustundir að fljúga milli Dúbaí og Auckland en ákvað flugstjóri Emirates í flugi EK448 að snúa til baka þegar vélin var yfir miðju Indlandshafi. Ástæðan var mikil flóð og vonsku veður á flugvellinum í Auckland.
Flugáhugamaður nokkur, Robbie Wood, tók eftir athyglisverðri U-beygju vélarinnar og vakti athygli á henni á Twitter.
„Við erum að horfa á um 13,5 tíma flug frá Dúbaí til Dúbai,“ skrifaði Wood við skjáskot af FlightRadar25.
Not the longest flight in the world anymore, but this Dubai-Auckland flight probably feels like it today. With Auckland Airport closed due to flooding, Emirates decided to return to Dubai. Looking at about a 13.5 hour flight from Dubai to Dubai. pic.twitter.com/VnPqTZeB9U
— Robbie Wood (@robbiejwood) January 27, 2023