Kim Kardashian gerði sér lítið fyrir og flaug með son sinn og nokkrum vinum hans og mæðrum þeirra í einkaþotu til Englands til þess að sjá Arsenal keppa á heimavelli.

Þá fengu börnin tækifæri til þess að hitta einn leikmann liðsins og sýnt er frá ferðinni í raunveruleikaþætti Kardashians.

„Saint er orðinn mikill áhugamaður um fótbolta og ég vildi því skipuleggja draumaferðina,“ segir Kardashian í þættinum sem segist elska að vera strákamamma.

„Ég ætla að fara með Saint, bestu vinum hans og mæðrum þeirra í ferðalag til London og Parísar. Strákarnir elska fótbolta og eru hugfangnir af fótboltamönnum á borð við Ronaldo, Messi og Neymar.“

„Ég reyni alltaf að komast að því hvar ástríða barna minna liggur og geri eitthvað ferðalag úr því. Ég hef farið með Chicago til San Diego því hún elskar dýragarða og allt það. North elskar tísku og ég fór með henni til Parísar. Saint elskar fótbolta svo hann fær þessa ferð. Þetta verður svo gaman og gott tækifæri til þess að styrkja tengslin.“