Dreymir þig um að upplifa alvöru kúrekastemningu?
Setja bókamerki
Á undanförnum vikum hefur sannkallað kántrí- og kúrekaæði tekið yfir. Æðið virðist þó hafa náð nýjum hæðum þegar Beyoncé gaf út tvö lög af væntanlegri kántríplötu sinni, þar á meðal lagið Texas Hold 'Em sem hefur verið að gera allt vitlaust.
Ferðavefur mbl.is tók því saman nokkur falleg hús sem eru til útleigu á Airbnb í Texas fyrir ferðaþyrsta fagurkera sem langar að upplifa alvöru kúrekastemningu beint í æð.
Hönnunarperla í Dallas
Í um fimm mínútna akstursfjarlægð frá miðbæ Dallas í Texas er að finna sannkallaða hönnunarperlu sem er fullkomin fyrir þá sem vilja upplifa sveitastemningu í borg. Húsið er umvafið fallegum garði og hefur verið innréttað á afar sjarmerandi máta, en það er hönnunarhúsið Create Atelier sem á heiður af húsinu.
Húsið rúmar tvo næturgesti en þar er eitt svefnherbergi og eitt baðherbergi. Nóttin í byrjun júlí kostar 157 bandaríkjadali, eða sem nemur tæplega 22 þúsund krónum á gengi dagsins.
Notalegur bústaður í Waco
Þessi fagri bústaður er staðsettur í um 15 mínútna akstursfjarlægð frá miðbæ Waco í Texas. Ró og notalegheit eru í forgrunni í húsinu sem var hannað af Chip og Joanna Gaines.
Í húsinu eru eitt svefnherbergi og eitt baðherbergi og rúmar það því tvo næturgesti hverju sinni. Í byrjun júlí kostar nóttin í húsinu 456 bandaríkjadali, eða tæplega 63 þúsund krónur.
Lúxushús með hengirúmi og útibaðkari
Í um klukkustundar akstursfjarlægð frá Austin í Texas stendur sannkallað lúxushús á fallegri 80 hektara lóð. Húsið einkennist af nútímalegri og minimalískri hönnun með lúxus yfirbragði, en skemmtilegt hengirúm og glæsilegt útibaðkar setja punktinn yfir i-ið.
Húsið er fullkomið fyrir tvo gesti, en þar er eitt svefnherbergi og eitt baðherbergi. Nóttin í byrjun júlí kostar 369 bandaríkjadali, eða sem nemur tæplega 51 þúsund krónum.
Töfrandi bústaður frá 1975
Þessi fallegi bústaður er handsmíðaður og var byggður árið 1975. Hann er í um 30 mínútna akstursfjarlægð frá Austin í Texas og býður gestum sínum upp á einstakt útsýni, notalega stemningu og mikinn sjarma.
Bústaðurinn státar af tveimur svefnherbergjum og einu baðherbergi og rúmar því allt að fjóra næturgesti hverju sinni. Fyrstu vikuna í júlí kostar nóttin í bústaðnum 747 bandaríkjadali, eða sem nemur tæplega 103 þúsund krónum.
Skemmtilegt tréhús með sundlaug
Í Fredericksburg í Texas er að finna skemmtilega hannað tréhús umvafið töfrandi skógi. Húsið er byggt utan um fallegt eikartré og einkennist af skemmtilegu formi og stórum gluggum.
Pláss er fyrir þrjá næturgesti í tréhúsinu hverju sinni, en þar er eitt svefnherbergi og eitt baðherbergi. Í byrjun júlí kostar nóttin í húsinu 389 bandaríkjadali sem nemur rúmum 53 þúsund krónum.
90% samþykktu verkfallsaðgerðir
Loftslagsdómurinn út í loftið
Verkfallsaðgerðir á Keflavíkurflugvelli samþykktar
Dómari vanhæfur í Hvammsvirkjunarmáli
Ekki tekið heiðarlegt samtal við ríkisstjórnarborðið
Skila vonandi tillögum til dómsmálaráðherra í dag
„Eyddi nánast allri nóttina í þetta“
Frelsi sem fylgdi því að loka Önnu Jónu
