Leikkonunni Drew Barrymore er margt til lista lagt en nú er hún búin að hanna barnahúsgagnalínu undir nafninu Flower Kids. Línan er mjög litrík og vill Barrymore greinilega ekki sjá nein svarthvít barnaherbergi. 

Regnboginn er fyrirferðarmikill í línunni sem og dýr og annað sem börn tengja við. Allt er þetta mjög litríkt og lögunin skemmtileg. Sem dæmi má sjá fílahillu, regnbogarúm og regnbogahirslur. 

Barrymore var umhugað um sín eigin börn við gerð húsgagnanna. Leikkonan á dæturnar Olive og Frankie sem fæddar eru árin 2012 og 2014. 

„Ég vildi búa til eitthvað sem mér fannst ég ekki finna sem foreldri,“ sagði Barrymore um línuna á vef Elle Decor. „Mér leið eins og það vantaði liti, gleði og dirfsku á markaðinn og ef það er herbergi í húsinu sem má vera áberandi, ævintýralegt, glaðlegt, litríkt og bjart þá er það barnaherbergi.“ 

Tengdar fréttir

Barnaherbergi

Einfalt föndurhorn í barnaherbergið

• Ný útgáfa af einum frægasta stól heims
• Gerðu barnaherbergið notalegt fyrir veturinn
• Hönnunarparadís fyrir alla fjölskylduna
• Dreymir þig um barnaherbergi í anda Molly-Mae?

» Fleiri tengdar fréttir

• Blogga um frétt