Bardagakappinn Gunnar Nelson og sambýliskona hans, Fransiska Björk Hinriksdóttir, eignuðust sitt annað barn í ágúst síðastliðnum. Nú hafa þau gefið dótturinni nafn.
Stúlkan er annað barn Gunnars og Fransisku saman, en fyrir eiga þau eina dóttur saman og á Gunnar einnig son úr fyrra sambandi.
Parið opinberaði nafnið í sameiginlegri færslu á Instagram, en stúlkan fékk nafnið Rósey Cesilie Nelson. „Hæ, ég heiti Rósey Cisilie Nelson. Fyrra nafnið datt pabba mínum í hug á fæðingardeildinni og seinna er nafn norsku ömmu minnar,“ skrifuðu þau við fallega myndaröð af dóttur þeirra.
Fjölskylduvefurinn óskar þeim til hamingju með nafnið!