Knattspyrnumaðurinn Leifur Andri Leifsson og Hugrún Elvarsdóttir, verkefnastjóri hjá Samtökum atvinnulífsins, eiga von á stúlku.
Parið sagði frá því í janúar að þau ættu von á barni í sameiginlegri færslu á Instagram. Um helgina buðu þau sínum nánustu í sunnudagskaffi með óvæntu ívafi, en þau tilkynntu kynið með því að skera kökusneið sem reyndist vera með bleiku kremi í miðjunni.
Leifur spilar með HK í Bestu deild karla í knattspyrnu og hefur verið fyrirliði og lykilmaður félagsins um langt árabil. Hugrún starfar sem verkefnastjóri hjá Samtökum atvinnulífsins á samkeppnis- og efnahagssviði og er samhliða því varaformaður og verkefna- og fræðslustjóri hjá félaginu Ungar athafnakonur (UAK). Hugrún spilaði einnig fótbolta í efstu deild í tíu ár, en á ferli sínum lék hún með Stjörnunni, FH og ÍH.
Fjölskylduvefurinn óskar þeim innilega til hamingju!