Þakklátur fyrir að hafa ekki eignast börn

Breski leikarinn Alan Cumming var giftur konu áður en hann kom út úr skápnum. Hann segist hafa gift sig til þess að upplifa öryggiskennd og sanna fyrir fráskildum foreldrum sínum að hann gæti átt farsælt hjónaband.

„Þetta er ekki eitthvað sem ég mæli með að gera. Ég var 21 árs þegar ég gifti mig í fyrsta sinn. Ég vissi að ég var tvíkynhneigður og konan mín vissi það líka,“ segir Cumming í viðtali við People.

Áður en þau skildu árið 1993 reyndu þau að eignast barn. 

„Ég á vini sem þurfa að kljást við skilnað og það að eiga börn saman. Ég held að það sé mjög erfitt og krefjandi. Ég held að það sé blessun að við eignuðumst ekki börn. Líf mitt tók aðra stefnu og það hefði verið erfitt að eiga barn. Ég hefði þá ekki flutt til Bandaríkjanna. Það er ástæða fyrir öllu sem gerist.“

„Ég ákvað að tala um kynhneigð mína því það voru svo margar getgátur á sveimi. Það var engin leið að ræða málin án þess að koma með stóra tilkynningu í fjölmiðlum og koma opinberlega út úr skápnum. Ég þurfti að finna fjölmiðil sem vildi ræða þetta á mínum forsendum og forðast að gera mat úr þessu. Þetta er kosturinn við samfélagsmiðla, maður getur stýrt þeim skilaboðum sem maður vill senda út í alheiminn. Það var ekki hægt hér áður fyrr.“

• Blogga um frétt