Elton John gengur í hjónaband

Elton John
Elton John AP

Breski poppsöngvarinn Elton John hyggst ganga í hjónaband með David Furnish, sem verið hefur unnusti hans um langt skeið. Segir Elton að hann hafi „aldrei verið jafn hamingjusamur.“

„Við höfum ekki ákveðið daginn og þetta verður áreiðanlega ekki stór opinber athöfn en mig langar að treysta bönd okkar með brúðkaupsheitum,“ segir söngvarinn í viðtali við þýska blaðið Gala, sem fjallar um líf þekkts fólks.

„Ég hef aldrei verið jafn hamingjusamur,“ bætti hann við.

Elton greindi ekki frá því í hvaða landi hann og unnusti hanns hygðust láta giftingarathöfn sína fara fram. Sagði Elton að hann hefði í mörg ár lifað „eins og villidýr“ og hefði líf hans þá snúist um notkun vímuefna og áfengis. Þá hefði hann glímt við þunglyndi og reynt að fremja sjálfsvíg.

„Ég er feginn að sú persóna er ekki lengur til,“ sagði söngvarinn og bætti við að Furnish, sem er fertugur væri „mikilvægasta manneskja í lífi mínu.“ „Ég get ekki hugsað mér lífið án hans,“ bætti hann við.

Elton John var kvæntur Renate Blauel frá 1984 til 1988, en hún var starfsmaður í hljóðvei sem Elton var við upptökur í.

Hann og Furnish hafa þekkst frá árinu 1993.

mbl.is
síðasta vika Vinsælustu hljóðbækurnar
1
Yrsa Sigurðardóttir
3
Liza Marklund
4
Peter Nyström, Peter Mohlin og Mohlin & Nyström

Stjörnuspá »

Hrútur

Sign icon Loksins virðist þér óhætt að fara af stað með mál, sem þú hefur lengi þurft að sitja á. Fólk tekur mikið mark á því sem þú segir.
síðasta vika Vinsælustu hljóðbækurnar
1
Yrsa Sigurðardóttir
3
Liza Marklund
4
Peter Nyström, Peter Mohlin og Mohlin & Nyström

Stjörnuspá »

Hrútur

Sign icon Loksins virðist þér óhætt að fara af stað með mál, sem þú hefur lengi þurft að sitja á. Fólk tekur mikið mark á því sem þú segir.