Aðalmeðferð í máli gegn Amber Heard, leikkonu og eiginkonu leikarans Johnny Depp, var frestað í morgun þegar hún mætti ekki fyrir dóminn. Konan er ákærð fyrir að hafa flutt tvo hunda þeirra ólöglega inn í landið
Dýrin komu til Queensland með einkaflugvél en þar var leikarinn við upptökur á kvikmyndinni Pirates of the Caribbiean: Dead Men Tell No Tales. Hjónin fengu fljótlega þau skilaboð að dýrunum yrði lógað, færu þau ekki með hundana Pistol og Boo úr landi þegar í stað.
Samkvæmt lögum í Ástralíu verður að tilkynna um komu hunda sem koma til landsins frá Bandaríkjunum og þá verða þeir einnig að dvelja í einangrun í tíu daga. Málið verður næst tekið fyrir 2. nóvember. Heard gætti átt yfir höfði sér sekt eða allt að tíu ára fangelsisvist.
Frétt mbl.is: Ákærð fyrir hundasmyglið
Frétt mbl.is: Hundarnir sendir heim í einkaþotu