Vogue-fyrirsæta svipti sig lífi

21 árs gömul fyrirsæta og læknanemi sem meðal annars hefur birst á forsíðu tískutímaritsins Vogue fannst látin á hótelherbergi í Bangladess. Talið er að um sjálfsvíg hafi verið að ræða. 

Stúlkan hét Raudha Athif og var frá Maldív-eyjum. Hún birtist framan á Vogue í Indlandi í október á mynd sem átti að sýna fjölbreytileikann og vakti mikla athygli.

Athif virtist að sögn þeirra sem þekktu hana hamingjusöm stúlka. Hún birti reglulega myndir af sjálfri sér á Instagram en þar átti hún yfir 30 þúsund fylgjendur. Hún var á öðru ári í læknanámi og hafði sagt í viðtölum að fyrirsætustarfið væri aðeins áhugamál. „Að verða læknir og að hjálpa fólki hefur alltaf verið draumurinn minn,“ sagði fyrirsætan í viðtali við indverska Vogue er hún birtist á forsíðu þess ásamt sex öðrum fyrirsætum.

Athif varð þekkt í heimalandi sínu er mynd af henni var birt á netinu. Hún varð þekkt sem stúlkan með hafbláu augun.

Frétt Telegraph.

• Blogga um frétt