Kim Cattrall sem fór með hlutverk Samönthu í þáttunum og kvikmyndunum Sex and the City eða Beðmálum í borginni er tilbúin að gefa hlutverkið frá sér. Cattrall sem vill ekki endurtaka kvikmyndaleikinn í þriðja sinn kom með uppástungur um arftaka sína.
Upphafið af þessu var að leikkonan Sara Jessica Parker sagði í þætti Ellenar Degeneres að Degeneres gæti leikið Samönthu, þó svo um grín var að ræða tók Cattrall sjálf vel í það og kom með fleiri uppástungur.
Cattrall setti Opruh Winfrey í fyrsta sætið en nefndi líka grínleikkonuna Tiffany Haddish og Modern Family-leikkonuna Sofiu Vergara. „Svo margar stórkostlegar leikkonur að velja úr sem gætu gert Samönthu að þeirra eigin,“ tísti Cattrall.