Seinni dagur þeirra hertogahjónanna af Cambridge, Katrínar og Vilhjálms, samanstóð meðal annars af verslunarleiðangri og skólaheimsókn. Hjónin heimsóttu NK, Nordiska Kompaniet, og opnuðu þar sýningu með breskri hönnun.
Viktoría krónprinsessa og Daníel prins, eiginmaður hennar, fylgdu bresku hjónunum og virtist hin sænska Viktoría hafa nælt sér í bangsa í búðarleiðangrinum en einn lítill og loðinn gægðist upp úr innkaupapokanum þegar hún kvaddi.
Í dag hefst síðan tveggja daga opinber heimsókn í Noregi þar sem hertogahjónin heimsækja meðal annars menntaskólann úr Skam-þáttunum.