Lögreglan í London rannsakar nú atvik sem upp kom í Kensington-höll en bréf með hvítu dufti var sent til Meghan Markle og Harry Bretaprins.
Evening Standard greinir frá því að í bréfinu hafi verið skilaboð sem innihéldu kynþáttahatur. Lögreglumenn sem vinna við hryðjuverk voru kallaðir til hinn 12. febrúar. Verðandi hjónin fengu því ekki bréfið í hendurnar en voru látin vita.
Í ljós kom að hvíta duftið var ekki skaðlegt en lögreglan er sögð vera á varðbergi og er stöðugt verið að endurmeta öryggisgæsluna fyrir brúðkaup þeirra í lok maí.