Breski leikarinn Stephen Fry hefur greint frá því að hann hafi greinst með krabbamein í blöðruhálskirtli.
Hann gekkst undir aðgerð í janúar og segir hann að allt hafi gengið vel. Honum líði prýðilega núna.
Fry, sem er sextugur, tjáði sig um heilsufarsvanda sinn á Twitter.
For the last 2 months I've been in the throes of a rather unwelcome and unexpected adventure. I'm sorry I haven't felt able to talk about it till now, but here I am explaining what has been going on: https://t.co/uPorpiwstg
— Stephen Fry (@stephenfry) February 23, 2018
„Mér þykir leitt að hafa ekki getað talað um þetta fyrr en hérna er ég að útskýra hvað hefur verið í gangi,“ sagði hann í myndbandi.
„Að því er ég best veit er búið að fjarlægja meinið,“ sagði hann og bætti við: „Í augnablikinu er ég í góðu formi og hamingjusamur“.
Fry, sem hefur verið kynnir Bafta-verðlaunanna undanfarin ár, varð að draga sig út úr hátíðinni í ár vegna veikindanna.
Krabbameinið uppgötvaðist í hefðbundinni flensusprautu sem hann fór í fyrir jól.