Lars von Trier aftur á Cannes eftir bann

Thierry Frémaux, stjórnandi kvikmyndahátíðarinnar í Cannes, gaf í skyn útvarpsviðtali í Frakklandi að Lars von Trier myndi sýna kvikmynd sína, The House That Jack Built, á hátíðinni í ár. The guardian greinir frá þessu en fréttirnar þykja merkilegar þar sem fyrir sjö árum var danski kvikmyndaleikstjórinn settur í bann. 

Lars von Trier gerði allt vitlaust á hátíðinni árið 2011 þegar grínaðist með að vera nasisti og lýsti yfir samúð með Adolf Hilter á blaðamannafundi. Leikstjórinn var yfirheyrður og fordæmdi stjórn hátíðarinnar ummæli hans. 

Frétt af mbl.is

Lars von Trier yfirheyrður

Frémaux greindi frá því að verið væri að ræða stöðu von Triers og að von væri á yfirlýsingu á næstu dögum. „Ég gerði það eiginlega,“ svaraði Frémaux þegar hann var beðinn um að staðfesta að mynd von Trier yrði á dagskrá hátíðarinnar. 

Í myndinni The House That Jack Built fer leikarinn Matt Dillon með hlutverk raðmorðingja sem fremur morð á 12 ára tímabili. 

Lars Von Trier og Björk Guðmundsdóttir við frumsýningu Dancer in the Dark í Cannes árið 2000. AFP

• Blogga um frétt