Frændur okkar flugu í úrslit
Setja bókamerki
Noregur, Svíþjóð og Danmörk komust öll áfram á síðara undanúrslitakvöldi Eurovision sem fram fór í Lissabon nú í kvöld.
Þar með komust allar Norðurlandaþjóðirnar, nema Ísland, áfram í úrslitin sem fara fram á laugardagskvöld. Finnar komust áfram úr fyrri undanúrslitariðlinum á þriðjudag en Íslendingar sátu eftir með sárt ennið.
Fiðluleikarinn Alexander Rybak komst í úrslit fyrir hönd Noregs en hann flutti lagið „That´s How You Write a Song“. Rybak bar sigur úr býtum í keppninni árið 2009.
Benjamin Ingrosso flaug í úrslit með framlagi Svía „Dance You Off“ og Danir komust áfram með laginu „Higher Ground“ sem víkingasveitin Rasmussen flutti.
Þessi lönd komust áfram í kvöld: Noregur, Svíþjóð, Danmörk, Serbía, Moldóva, Ungverjaland, Úkraína, Ástralía, Slóvenía og Holland.
Auk þeirra komust Austurríki, Eistland, Kýpur, Litháen, Ísrael, Tékkland, Búlgaría, Albanía, Finnland og Írland áfram úr fyrri undankeppninni á þriðjudag.
Spánn, Þýskaland, Ítalía, Bretland og Frakkland eiga svo alltaf fast sæti í úrslitum og gestgjafarnir, sigurvegarar síðasta árs frá Portúgal, verða einnig á stóra sviðinu á laugardag.
Tengsl við undirheima ekki hluti af rannsókninni
Enn langt í að rannsókn málsins ljúki
Quang Le: „Ég gerði ekkert rangt“
Ekki hópuppsögn að segja upp fastri yfirvinnu
Saka Ísraela um fjöldamorð
„Verða bara eins og „zombíar““
Er 83% skattur á hagnað hæfilegur?