Eins og viskí í tebolla

Leikkonan Reese Witherspoon elskar bækur. Hún hefur verið með bókaklúbb á samfélagsmiðlum sem heitir: Halló sólargeisli, þar sem hún ræðir uppáhalds bækurnar sínar. Fylgjendur hennar eru því himinlifandi við þær fregnir að þann 18. september næstkomandi kemur út bók eftir hana sjálfa sem ber nafnið „Wiskey in a teacup“.

Orðatiltækið þegar kona er sögð eins og viskí í tebolla vísar til orða ömmu Witherspoon, Dorotheu, sem lýsir konum úr suðurríkjum Bandaríkjanna með þessum hætti. Að vera prúð og falleg að utan en sterkar og logandi að innan.

Bók Reese Witherspoon lýsir áhrifum þess á konur að alast upp í suðurríkjunum. Hún segir sjálf að hún taki arfleifð sína með sér hvert sem hún fer. Hvernig hún stíliserar heimilið sitt, hvernig hún talar, dansar og greiðir sér. Í bókinni deilir Witherspoon girnilegum uppskriftum frá ömmu sinni sem og helstu fjölskylduvenjum; hún talar um viðburði eins og veislur um miðja nótt í hlöðunni, garðveislur fyrir brúðurina fyrir brúðkaupið, undursamlegir jóladags morgnar og fleira í þeim dúrnum. 

Lesendur víða um heiminn eru spenntir fyrir því að geta tileinkað sér hluta af því sem Witherspoon hefur fram að færa. 

• Blogga um frétt