Leikarinn Tom Cruise sendi kollega sínum George Clooney kveðju á frumsýningu Mission: Impoissible í París í gær. Hello greinir frá því að blaðamaður hafi spurt leikarann, sem er þekktur fyrir áhuga sinn á mótorhjólum, út í vespuslys Clooney.
Cruise sem hafði ekkert heyrt af slysi Clooney hrósaði honum fyrir að vera góður á mótorhjóli og vonaði að það væri í lagi með hann. Hann grínaðist svo með það að Clooney þyrfti að fara varlega á hjólinu.
Sjálfur ætlar Cruise ekki að láta slys Clooney hafa áhrif á sig en hann var spurður að því hvort hann ætlaði að hætta að hjóla. „Aldrei, nei aldrei,“ sagði Cruise og sagði hjólið myndi setjast í helgan stein á undan honum.