Faðir Meghan hertogaynju sagði í gær í samtali við TMZ ekki ætla að hætta að tala við fjölmiðla fyrr en dóttir hans tekur hann aftur inn í líf sitt. Systir Meghan, Samantha Markle, er heldur ekki hætt að hrauna yfir systur sína og lét hana heyra það á Twitter.
Samkvæmt Daily Mail tísti hálfsystir Meghan því í gær á lokuðum Twitter-reikningi sínum að nú væri nóg komið og ef faðir þeirra dæi væri það Meghan að kenna. Í öðru tísti lagði hún áherslu á að faðir þeirra væri ekki til vandræða þó svo hann elskaði dóttur sína. „Kóngafólkið er til vandræða fyrir að vera svona kalt. Þið ættuð að skammast ykkar,“ tísti hún.