Auðæfi Bey&Jay metin á yfir einn milljarð

Það væsir ekki um stjörnuparið Beyoncé Knowles og Jay-Z, en sameiginleg auðæfi þeirra eru metin á yfir 1 milljarð bandaríkjadala eða rúmlega 104 milljarða íslenskra króna. Auðæfi Beyoncé eru metin á 355 milljónir bandaríkjadala og auðæfi Jay-Z eru metin á um 900 milljónir.

Þau eru bæði með mörg járn í eldinum en þau eru nú á tónleikaferðalagi um heiminn með tónleika sína „On The Run II.“ Billboard metur hagnað hjónanna fyrir tónleikaferðalagið um 180-200 milljónir bandaríkjadala. 

Fyrri túr þeirra árið 2014 „On The Run“ skilaði þeim 95 milljónum í heildartekjur, eða um 5 milljónir fyrir hverja tónleika. Tónleikaferðalög þeirra í sitthvoru lagi á síðustu árum hafa skilað þeim einnig miklum hagnaði en Jay-Z fékk um 48,7 milljónir fyrir 4:44 tónleikaferðalag sitt í fyrra. Beyoncé sló met ársins 2016 með tónleikaferðalagi sínu en hagnaður hennar fyrir ferðalagið var 256 milljónir.

Einhver er nú innkoman. skjáskot/Instagram/@beyonce

Beyoncé hefur selt einstök lög (e. singles) fyrir 26 milljónir bandaríkjadala en Jay-Z hefur selt einstök lög fyrir 23 milljónir. Hagnaður hans fyrir sölu á plötum er meiri en hennar en hann hefur selt plötur fyrir 27,5 milljónir á meðan Beyoncé hefur „aðeins“ selt fyrir 13 milljónir.  

Þá hafa þau einnig tekjur af seldum varningi á tónleikum og frá tónlistarveitunni Tidal sem er í eigu hjónanna. Beyoncé hefur einnig auglýsingatekjur frá fyrirtækum á borð við Tommy Hilfiger, Armani og Pepsi. Jay-Z á veitingastaðakeðjuna 40/40 og kampavínið Armand de Brignac.

• Blogga um frétt