Tíu ár eru liðin síðan tónlistarmyndbandið við lag John Legend, Green Light, kom út. Í tilefni af því deildi eiginkona Legend, Chrissy Teigen, skemmtilegri sögu af sjálfri sér þegar hún kom til að fylgjast með tökum á myndbandinu fyrir 10 árum.
Fun fact, I had a jealously-fueled meltdown visiting this video set and made an asshole out of myself to a large group of people. https://t.co/SiE3h9aisY
— christine teigen (@chrissyteigen) July 30, 2018
Teigen og Legend höfðu kynnst árið áður við tökur á öðru tónlistarmyndbandi. Teigen var mætt í stúdíóið til að fylgjast með tökum á tónlistarmyndbandinu við lagið Green Light.
„Síðan byrjuðu vinir John að tala um hvað konurnar væri FAAAALLEGAR“ skrifar Teigen. Hún segist hafa haldið að þau væru að þessu til að stríða henni, og eftir að hún hefur þekkt þau í 10 ár segir hún að þau haf pottþétt verið að stríða henni. „Ég var að horfa á skjáinn með öllum strákunum þegar einhver segir „sjáið þessa stelpu með John“ svo ég horfði alveg brjáluð á skjáinn og John var sko í miklum vandræðum,“ skrifar Teigen.
„Síðan hló hann að einhverju sem hún sagði. Í huga mínum var ég búin að ákveða að þau væru að eiga í heljarinnar samræðum en þau voru líklegast bara að tala um veitingarnar í stúdíóinu. Í huga mínum bað hún hann um að hafa samfarir og hann sagði já,“ skrifar Teigen. Hún segir að síðar hafi axlir þeirra snerst og þá hafi mælirinn fyllst. Teigen fór að gráta og hljóp út úr stúdíóinu og eyddi nóttinni á hóteli.
Anyhow I wish more happened but no. I was just a jealous, angry 22 year old. I’m better now. BUT DONT TEST ME
— christine teigen (@chrissyteigen) July 30, 2018