Verslunarmannahelgin 1995 er í fersku minni hjá mörgum eða alla vega hjá þeim sem fóru á UXA 95. Útihátíðin þótti afar fersk og flott en þó olli fámenni töluverðum vonbrigðum. UXI 95 var haldin við Kirkjubæjarklaustur og var fyrsta stóra alþjóðlega tónlistarhátíðin sem haldin var á Íslandi.
Margir meistarar komu fram á UXA 95, þar á meðal Svala Björgvinsdóttir söngvari og tónlistarmaður. Þar voru líka Drumclub, Prodigy, Underworld, Aphex Twin, Unun og Pál Óskar, Lhooq, Bubbleflies, SSSól og Olympiu.
Eitt af aðalnúmerunum var Björk sem var orðin heimsfræg þarna 1995. Það er sama hvað hver segir. Þeir sem mættu á UXA 95 segja að önnur eins hátíð hafi ekki verið haldin, hvorki fyrr né síðar. Með fréttinni eru myndir Einars Fals Ingólfssonar, ljósmyndara og blaðamanns Morgunblaðsins.