Julia Roberts virðist hafa haft það gott í sumar með eiginmanni sínum, kvikmyndatökumanninum Danny Moder, en nýlega birti hún mynd af þeim á Instagram í innilegum faðmlögum á ströndinni. Einhverjir fjölmiðlar höfðu birt fréttir af hjónabandsbrestum en Roberts þaggaði heldur betur niður í þeim með myndbirtingunni.
„Ó sumar, takk! Þú gerðir okkur hamingjusöm og hugrökk,“ skrifaði leikkonan meðal annars og naut þess greinilega að eyða tíma með fjölskyldu sinni í sólinni.
A post shared by Julia Roberts (@juliaroberts) on Sep 3, 2018 at 9:31pm PDT
Roberts birti sína fyrstu mynd á Instagram í lok júní og hefur farið varlega í notkun samfélagsmiðilsins og haldið einkalífi sínu að mestu fyrir sig. Moder hefur hins vegar verið skráður á Instagram töluvert lengur en eiginkona hans og er duglegur að birta myndir af börnum sínum og stundum eiginkonu.
A post shared by modermoder (@modermoder) on Oct 28, 2017 at 4:58pm PDT