Fékk Beyoncé til að spila í brúðkaupinu
Setja bókamerki
Dóttir ríkasta manns á Indlandi giftir sig í vikunni en hátíðarhöldin hófust um helgina og var það engin önnur en poppdrottningin Beyoncé sem tróð upp. Isha Ambani mun ganga í hjónaband með Anand Piramal á miðvikudaginn samkvæmt frétt BBC en faðir Piramal er sömuleiðis indverskur milljarðamæringur.
Ambandi var brúðarmeyja í brúðkaupi leikkonunnar Priyönku Chopra og tónlistarmannsins Nick Jonas fyrir rúmri viku. Nú er hins vegar athyglin öll á henni en indverskir auðkýfingar og Bollywood-stjörnur eru ekki þau einu sem taka þátt í veisluhöldunum þar sem Hillary Clinton mætti í veisluna um helgina.
Beyoncé kom fram á sunnudagskvöldið en þá fór fram sérstök veisla sem var tileinkuð tónlist og dansi. Á Indlandi fara slík hátíðarhöld fram áður en hjónin eru gefin formlega saman.
Isha Ambani er dóttir Mukesh Ambani og Nitu Ambani. Ambani-hjónin búa í 27 hæða glæsihýsi en húsið var dýrasta íbúðarhúsnæði í heimi þegar það var byggt. Húsið er 174 metra hátt og 4.532 fermetrar og kallast Antilia. Bílageymsla er þar á sex hæðum, þar eru sundlaugar, danssalur, kvikmyndahús og þrír lendingarpallar fyrir þyrlur.
Vaxtahækkanir flýti fyrir því að þenslan minnki
Sýklalyfjaónæmi vaxandi vandamál
„Verða bara eins og „zombíar““
„Hann skók húsið aðeins“
„Við erum ekki hafin yfir gagnrýni“
Er 83% skattur á hagnað hæfilegur?
97 aðgerðir hafa neikvæð áhrif
„Staðan er grafalvarleg“