Doria Ragland, móðir Meghan hertogaynju, mun ekki eyða jólunum með dóttur sinni, tengdasyni og Elísabetu Bretadrottningu. Drottningin var sögð hafa boðið Ragland til þess að eyða með þeim jólunum. 

Meghan er eina barn Ragland sem býr í Kaliforníu í Bandaríkjunum þar sem Meghan ólst upp. People staðfestir hins vegar að Ragland muni ekki vera viðstödd hátíðarhöldin í Englandi eins og áður var talið. 

Meghan og Harry munu dvelja á sveitasetri Vilhjálms og Katrínar yfir jólin og mæta til kirkju á jóladag með drottningunni og öðrum í bresku konungsfjölskyldunni eins og venja er. Óvenjulegt er að fólk utan bresku konungsfjölskyldunnar taki þátt í hátíðarhöldum fjölskyldunnar. Katrín eyddi til að mynda jólunum árið áður en hún giftist Vilhjálmi heima hjá foreldrum sínum. 

Foreldrar Katrínar hertogaynju hafa aldrei eytt jólunum hjá dóttur sinni og tengdafjölskyldu hennar. Katrín og Vilhjálmur voru reyndar hjá foreldrum Katrínar fyrir tveimur árum sem var óvenjulegt. 

Breska konungsfjölskyldan mætir til kirkju saman á jóladag. AFP

Tengdar fréttir

Kóngafólk í fjölmiðlum

Karl á batavegi og snýr aftur til starfa

• Karl III sagður „mjög veikur“
• Ný stytta afhjúpuð af Elísabetu II. drottningu
• Lúðvík prins fagnar sex árum
• Í fyrstu heimsókn eftir krabbameinsgreiningu Katrínar

» Fleiri tengdar fréttir

• Blogga um frétt