Sögusagnir eru á kreiki um að tónlistarkonan Lady Gaga og leikarinn Bradley Cooper muni koma fram á tónlistarhátíðinni Glastonbury í Bretlandi um helgina.
Fréttakonan Edith Bowman, sem hefur fjallað um tónlistarhátíðina síðustu ár fyrir BBC, sagði í viðtali við Sunday Brunch, að hún vissi um eitt leyniatriði sem hún megi alls ekki segja frá.
Cooper var gestur Bowman í hlaðvarpsþáttum hennar fyrir stuttu. Bowman segist hafa rætt við hann um að koma fram með Lady Gaga og hann hafði sagt henni að hann hafi verið að ræða við skipuleggjendur Glastonbury-hátíðarinnar.
Cooper þekkir til hátíðarinnar, en árið 2017 tók hann upp tónleikaatriðið fyrir kvikmynd sína A Star Is Born á hátíðinni.
Hann sagði einnig í viðtalinu við Bowman að það gæti verið möguleiki á að hann og Lady Gaga komi fram, en að þau myndu aldrei tilkynna um það heldur yrði atriðið óvænt.
Einn af skipuleggjendum hátíðarinnar Emily Eaves greindi frá því á Twitter að Gaga og Cooper muni ekki koma fram.
Before this one gets out of control... the answer is no, that isn’t happening. (Although you can watch the amazing A Star Is Born in our Pilton Palais cinema tent at 4.30pm on Friday.) https://t.co/vUovpJAZuM
— Emily Eavis (@emilyeavis) June 24, 2019