Hvítur, hvítur dagur til Toronto
Setja bókamerki
Kvikmyndin Hvítur, hvítur dagur eftir Hlyn Pálmason hefur verið valin til þátttöku á hina virtu alþjóðlegu kvikmyndahátíð í Toronto. Myndin verður sýnd í Contemporary World Cinema-hluta hátíðarinnar en hátíðin mun fara fram dagana 5.-15. september.
Myndin hefur sömuleiðis fengið þátttökurétt á New Nordic Films sem er haldin samhliða Alþjóðlegu norsku kvikmyndahátíðinni í Haugesund.
Ingvar E. Sigurðsson hefur hlotið mikið lof fyrir frammistöðu sína í myndinni þar sem hann fer með hlutverk lögreglustjóra sem hefur verið í starfsleyfi frá því að eiginkona hans lést óvænt af slysförum. Í sorginni einbeitir hann sér að því að byggja hús fyrir dóttur sína og afastelpu, þar til athygli hans beinist að manni sem hann grunar að hafi átt í ástarsambandi við konu sína. Fljótlega breytist grunur Ingimundar í þráhyggju og leiðir hann til róttækra gjörða sem óhjákvæmilega bitnar einnig á þeim sem standa honum næst.
Myndin hefur þegar sópað að sér verðlaunum, en hún var til að mynda valin besta mynd kvikmyndahátíðarinnar í Motovun í Króatíu í lok síðasta mánaðar.
Hvítur, hvítur dagur verður frumsýnd hér á landi 6. september.
Átta til tólf erlendir glæpahópar
„Verða bara eins og „zombíar““
97 aðgerðir hafa neikvæð áhrif
Ekki hópuppsögn að segja upp fastri yfirvinnu
Fjármögnun alríkisins enn í óvissu
Einróma stuðningur við virkjanir
Konur álitnar annars flokks borgarar