Kuldaleg hrollvekja tekin upp á Íslandi

Tomohisa Yamashita fer með aðalhlutverk í seríunni The Head. Hann …
Tomohisa Yamashita fer með aðalhlutverk í seríunni The Head. Hann virðist hafa verið ánægður með dvöl sína hér á landi. AFP

Japanska stórstjarnan Tomohisa Yamashita leikur aðalhlutverkið í sjónvarpsseríunni „The Head“ sem hefur verið lýst sem hrollvekju og eiga atburðirnir að eiga sér stað á Suðurskautslandinu.

Tökur seríunnar fara fram hér á landi og á Kanarí-eyjum. Spænsku bræðurnir Alex og David Pastor skrifa handritið. 

Stikla úr þáttunum var sýnd í vikunni á MIPCOM-kaup­stefn­unni í Cann­es í Frakklandi.

Tomohisa Yamashita, Katharine O'Donnelly, Alexandre Willaume, Laura Bach og John …
Tomohisa Yamashita, Katharine O'Donnelly, Alexandre Willaume, Laura Bach og John Lynch eru aðalleikarar þáttanna. AFP

Meðal annarra sem fara með stór hlutverk eru Írinn John Lynch. Samkvæmt umfjöllun AFP er það einn tveggja eftirlifenda af tíu manna hópi sem fór til vetrarsetu á rannsóknarstöð.

Þegar vísindamenn koma þangað að vori eru veggir stöðvarinnar þaktir blóði og eftirlifendurnir kenna hvor öðrum um morðin.

Yamashita, 35 ára söngvari og leikari, fer með hlutverk rannsakanda. Hann sagði að sagan færi að kjarna mannlegra tilfinninga. 

Yamashita virðist hafa verið ánægður með dvölina hér á landi en tökur fara enn fram.

mbl.is

Stjörnuspá »

Hrútur

Sign icon Þú ert oft varaður við því að láta ekki tímann renna þér úr greipum. Ekki halda áfram að gera og segja hluti endurtekið einungis vegna venjunnar.

Stjörnuspá »

Hrútur

Sign icon Þú ert oft varaður við því að láta ekki tímann renna þér úr greipum. Ekki halda áfram að gera og segja hluti endurtekið einungis vegna venjunnar.