Tónlistarveislan Airwaves fór af stað með látum í gærkvöldi. Fólk lét vel af tónleikum dularfulla kúrekans Orville Peck sem kom fram í Hafnarhúsinu en hann er einn þekktasti erlendi listamaðurinn sem kemur fram á hátíðinni í ár og kemur ávallt fram með grímu.

Sem fyrr eru það þó íslenskt tónlistarfólk sem er í aðalhlutverki eins og sjá má á myndum Eggerts Jóhannessonar ljósmyndara mbl.is.

Í kvöld heldur veislan áfram þar sem hægt verður að sjá listamenn á borð við Seabear, Warmland, Hjaltalín, Mac DeMarco, Between Mountains og Axel Flóvent.