Tónlistarmaðurinn Harry Styles og leikkonan Heidi Gardner gerðu stólpagrín að Íslendingum í nýjasta þætti Saturday Night Live um helgina.
Styles og Gardner fóru með hlutverk íslenska parsins Dísu og Magnúsar sem eiga von á barni og eru mætt í fæðingarfræðslu. Þau Dísa og Magnús eru ekki mjög sleip í enskunni og segir Magnús að Dísa hafi lært ensku af Instagram.
Þau Dísa og Magnús ræða svo opinskátt um breytingarnar sem þau hafa upplifað á meðgöngunni og kynlífið á meðgöngunni sem fór ekki vel í spéhrædda Ameríkanana sem voru með þeim í fæðingarfræðslunni.
Innslagið úr þættinum má sjá hér.