Hildur Guðna tilnefnd til Golden Globe
Setja bókamerki
Tónskáldið Hildur Guðnadóttir er tilnefnd til Golden Globe-verðlauna fyrir tónlist sína í Hollywood-stórmyndinni Jókernum. Verðlaunin verða afhent í 77. sinn hinn 5. janúar. Það er skammt á milli stórra högga hjá Hildi en í gær fékk hún tilnefningu til Critics' Choice-verðlaunanna.
Hildur etur kappi við fjögur önnur tónskáld á verðlaunahátíðinni og er hún eina konan sem er tilnefnd í sínum flokki. Daniel Pemberton er tilnefndur fyrir tónlistina í Motherless Brooklyn; Alexandre Desplat er tilnefndur fyrir tónlistina í Little Women; Thomas Newman er tilnefndur fyrir 1917 og Randy Newman fyrir tónlistina í Marriage Story.
Á verðlaunahátíðinni eru kvikmyndir og sjónvarpsþáttaraðir verðlaunaðar í flokki dramatískra og gamanverka.
Streymisveitan Netflix fékk flestar tilnefningar þökk sé kvikmyndunum Marriage Story sem fékk sex tilnefningar og The Irishman sem fékk fimm tilnefningar. Kvikmyndirnar The Irishman, Marriage Story, 1917, Jókerinn og The Two Popes eru tilnefndar í flokki dramatískra mynda. Í flokki gamanmynda og söngleikja eru Once Upon a Time in Hollywood, Jojo Rabbit, Knives Out, Rocketman og Dolemite Is My Name tilnefndar.
Á vef Variety má sjá allar tilnefningar.
Magnús Tumi: Gýs líklega á næstu dögum
Tólf ára drengur illa fótbrotinn
Þurfa að taka myndir áður en goslokum er lýst yfir
Merkilegt hve lengi gosið hélt dampi
Fylgi Höllu hrundi eftir kappræðurnar
Næsta eldgos fær mikið forskot
Goslok hafa ekki áhrif á vinnuna
„Gleymum því ekki að okkar vali fylgir ábyrgð“